विचारचक्र

पुस्तक,वही,पेन या सगळ्यांचा मला कंटाळ आला,
काही तरी वेगळे करावे, असा मनात विचार आला,

निसर्गात रोज नवी फुले आणि पाने उमलतात,
त्यांचे ताजेपण पाहून माझ्या मनात विचार घोळतात,

मी सुद्धा काही करावे ज्याने जगाची सुंदरता वाढावी,
जगात कल्याणाच्या दिशेने मी पण पावले पुढे टाकावी,

आकाशात रात्री चंद्र आणि तारे चमकतात,
जीवनाला ते नव सौंदर्य बहाल करतात,

बघून त्यांना मनात माझ्या विचार आला,
मीही छोटेसे योगदान द्यावे,
ज्याने जग हे स्वछंदपणे जगण्याचे ठिकाण व्हावे,

हा विचार करता करता कुठून तरी आवाज आला,
पुढच्या टेस्टच्या अभ्यास करा, असा निरोप आला,

पुस्तक,वही,पेन घेऊन अभ्यासाला सुरुवात केली,
जग उद्धाराची कल्पना माझ्या मनातच राहिली.